1. Synir Vésteins fara til Gests, frænda síns, ok skora á hann, at hann komi þeim utan með ráðum sínum, ok Gunnhildi, móður þeira, ok Auði, er Gísli hafði átta, ok Guðríði Ingjaldsdóttr, ok Geirmundi bróður hennar. 2. Fara þau ǫll utan í Hvítá með Sirgurði hvíta.1 Kom Gestr þeim utan með fé sínu. Þau váru skamma stund úti ok kómu norð við Noreg. 3. Gengr Bergr á stræti, ok vill kaupa þeim brúðarrúm2 í kaupangi,3 ok tveir menn með hánum; þeir mœta tveim mǫnnum, ok var annar í skarlatsklæðum, ungr maðr ok mikill vexti. 4. Sá spurði Berg at nafni; hann sagði til et sanna um nafn sitt ok kyn, því at hann ætlaði, at hann myndi þess4 víðar koma,5 at hann myndi njóta fǫður síns en6 gjalda.7 5. En sá, er í skarlatsklæðunum var, brá sverði ok hjó Berg banahǫgg. Þat var Ari Súrsson,8 bróðir Gísla ok Þorkels. 6. Fǫrunautar Bergs fóru til skips ok sǫgðu tíðindin. Stýrimaðr kom þeim undan ok tók Helga far til Grœnlands. 7. Helgi kom þangat ok þroskaðiz þar ok þótti enn bezti drengr; ok váru menn sendir til hǫfuðs hánum; en þess9 varð eigi auðit; Helgi týndiz í veiðifǫr,10 ok þótti þat mikill skaði. 8. Þær Auðr ok Gunnhildr fara til Danmerkr í Heiðabœ,11 tóku þær við trú ok gengu suðr12 ok kómu eigi aptur. 9. Geirmundr var eptir í Noregi,13 ok kvángaðiz ok varð vel at þroska. Guðríður, systir hans, var manni gefin ok þótti skýr14 kona, ok eru margir menn frá henni komnir. 10. Ari Súrsson fór til Íslands. Hann kom í Hvítá ok seldi skipit, en keypti sér land at Hamri15 ok bjó þar nokkra vetr. Víða16 hefr hann búit á Mýrum,17 ok eru menn komnir frá hánum.
Lúkum vér hér Gísla sǫgu Súrssonar.
1: með Sirgurði hvíta Otherwise unknown; a possible scribal error. ↩
2: kaupa þeim búðarrúm, “rent a room (lodging).” ↩
3: kaupangi, that is Niðaróss, Trondheim. ↩
4: þess, “so under the circumstances.” ↩
5: víðar koma, “continue his journey.” ↩
8: Ari Súrsson, see above c. 2, 4. ↩
9: þess, that is, that they killed him. ↩
10: í veiðifǫr, “while fishing.” ↩
11: Heiðabœ, undoubtedly the old city of this name and the west side of present Hedeby Nor near Schleswig. ↩
13: í Nóregi, S allows him and his sister to come to Grœnland, which should be reagarded as a scribal addition. ↩
14: skýr, “bright, intelligent.” ↩
15: Hamri, the village Hammarr lies a little way north fo the main settlement Borg on Borgarfjǫrðr. ↩